Mensaxe anterior (máis nova) Mensaxe posterior (máis vella) Mensaxe anterior (máis nova)  co mesmo temaMensaxe posterior (máis vella)  co mesmo temaMensaxe anterior (máis nova)  do mesmo autorMensaxe posterior (máis vella)  do mesmo autorPáxina anterior (Novembro 2012)Voltar á páxina principal de PAS-CIGSubscribirse ou  abandoar  PAS-CIG (ou cambiar configuración)RespostarEnviar nova mensaxeBuscarTipo de letra proporcionalTipo de letra no proporcional
Date:         Thu, 8 Nov 2012 14:42:46 +0100
Reply-To:     mcarmen.espineira@USC.ES
From:         Carmen Espiñeira Regueiro <mcarmen.espineira@USC.ES>
Subject:      FOLGA XERAL: Comunicado conxunto das
              sección sindicais da CIG, CCOO e UGT na USC.
Content-Type: text/plain; charset=ISO-8859-1; DelSp="Yes"; format="flowed"

FOLGA XERAL

Comunicado conxunto das sección sindicais da CIG, CCOO e UGT na USC.

O 14 N os sindicatos de clase CIG, CC.OO e UGT convocamos unitariamente unha Folga Xeral co respaldo de 150 organizacións sociais, e conxuntamente con outros sindicatos e organizacións europeas de Portugal, Grecia, Italia, Chipre, Malta… Esta folga é unha folga social que vai contra as políticas de recortes de dereitos, salarios e liberdades que estamos a padecer. Políticas que, no noso caso, e dende o acubillo dunha maioría parlamentaria, que usa os “Reales Decretos” como munición, están destruíndo as bases do noso estado do benestar e lapidando os dereitos acadados despois de décadas de loitas e negociacións. Nestes últimos anos sufrimos recortes salariais, sociais, e vimos como paso a paso se desmantelaba o noso sistema sanitario (que xa deixou de ser gratuíto e universal); como subían as taxas académicas ao mesmo tempo que se reducían as bolsas e se aumentaba a ratio de alumnos/as por aula; como o aumento do número de parados unido á reducción das prestacións sociais incrementaba a cantidade persoas en situación de exclusión social; como se usou a criminalización do sector público para recortar os servizos que este presta á sociedade e darlle paso ás privatizacións; como os recortes cercenaron o mundo da cultura, a investigación e a ciencia, prexudicando seriamente as posibilidades de recuperación económica no presente e atrancando o desenvolvemento futuro; como avanzou de forma vertixinosa a desprotección dos traballadores/as e se lle deu a estocada final á negociación colectiva, que quedou convertida en pouco máis que un mero trámite. Estamos tamén asistindo á perda do noso dereito á tutela xudicial efectiva e mesmo se tenta cohartar o noso dereito a manifestarnos. Todas estas medidas, que nacen das políticas neoliberais impulsadas pola troika europea e concretadas aquí polos nosos propios gobernos, tomáronse ao mesmo tempo que se rescataban os bancos, se permitía a sangría dos desafiuzamentos, se amnistiaba aos defraudadores, se destinaban os cartos públicos, de todos nós, para subvencionar o ensino privado, e se traspasaba o patrimonio público a mans de empresas privadas. Nas administración públicas sufrimos, entre outros, os recortes nos nosos salarios, a eliminación da extra de nadal, o aumento da xornada, o recorte nos días de asuntos particulares, a rebaixa na prestación económica en situación de incapacidade temporal, e finalmente dende o día 30 de outubro xa hai carta branca para despedir libremente ao persoal laboral. Contra todas estas medidas, aos que non temos o poder, non nos queda máis que a lexitimidade de rebelarnos para frear ou alomenos paliar o abuso dos que tentan derrubar o noso estado de benestar e o noso estado de dereito. Nunca tivemos tantas razóns para secundar unha folga, e xa sabemos que non vai axudar a crear emprego, como argumentan algúns para deslexitimala, pero a eses mesmos temos que lembrarlles que tampouco a facemos para iso, senón para amosar o noso máis rotundo rexeitamento ás políticas aniquiladoras que se nos están a aplicar. Esta é a folga da unidade: da unidade dos sindicatos, da unidade dos países europeos máis castigados pola crise, e debe ser tamén a folga da unidade de todos os traballadores/as, de toda a cidadanía que se sente atacada e afectada por estas medidas. Só dende a toma de conciencia da importancia da nosa resistencia, e só dende a unidade de acción poderemos dar a batalla. Se loitamos podemos perder, pero se non loitamos estamos perdidos. O 14 de novembro reacciona, mobilízate, SECUNDA A FOLGA XERAL!!

CIG CCOO UGT

NOTA: Debido ao procemento existente para a utilización das listas na USC que non nos garante que todos os traballador@s reciban o comunicado, decidimos que cada sindicato o remitirá á súa lista coa intención de chegar á maior cantidade de xente posible, aínda que pola contra tamén vai implicar que algún de vós o recibades varias veces, polo cal vos pedimos desculpas anticipadamente.

-------------------------------------------------- Para darse de baixa en PAS-CIG, envia unha mensaxe a LISTSERV@LISTAS.USC.ES co texto: UNSUBSCRIBE PAS-CIG --------------------------------------------------


Ir a: Principio da mensaxe | Páxina anterior | Páxina principal de PAS-CIG